Një nga autorët e dyshuar për vrasjen e Taulant Gjikajt në Vlorë është dorëzuar në Polici.

Bëhet fjalë për shtetasin Skedjan Gabrani, i cili ishte në kërkim për krimin e ndodhur më shumë se dy muaj më parë.

Tauland Gjika u ekzekutua me kallashnikov në datën 3 mars në lagjen “Bashkimi”, pranë Gjykatës së së Apelit në Vlorë.

Lidhur me vrasjen e Tauland Gjikajt, Policia arrestoi një nga autorët e dyshuar Hans(Andi) Jonuzaj. Ky i fundit u arrestua në automjetin e përdorur në krim, brenda të cilit u gjet edhe arma e krimit tip kallashnikov.

Po ashtu fill pas vrasjes blutë e Vlorës identifikuan edhe bashkëpunëtorët e 44-vjeçarit në krim, të cilët janë shtetasit Elton Hajnaj dhe Skerdjan Gabriani, i cili u vetëdorëzua sot në Polici. Policia nuk ka saktësuar se kush ka qëlluar në drejtim të Tauland Gjikajt (Beqiraj).

Njoftimi i Policisë 

Në vijim të veprimeve për zbardhjen e ngjarjes së ndodhur në 03.03.2021, në lagjen “Bashkimi” Vlorë , ku u vra me armë zjarri shtetasi T. GJ., ju informojmë se:

Si rezultat i negociatave është vetëdorëzuar në Drejtorinë Vendore të Policisë Vlorë shtetasi i shpallur në kërkim S. G., 36 vjeç, i dyshuar si bashkëpuntor i shtetasit H. J., i arrestuar më parë nga Policia, si autorë i dyshuar në këtë ngjarje.

Grupi i posaçëm hetimor nën drejtimin e Prokurorisë po vijon punën për dokumentimin e plotë të kësaj ngjarjeje.

Materialet iu referuan Prokurorisë pranë Gjykatës së Shkallës së Pare Vlorë, për veprime te mëtejshme hetimore.