Policia e Kosovës, përmes një raporti 24-orësh, ka dhënë detaje për vjedhjen e parave ne Teqenë e Madhe në Gjakovë.
Në raport thuhet se një person ka raportuar se persona të panjohur kanë hyrë në shtëpinë e tij dhe prej aty kanë vjedhur dy kasaforta.
Sipas ankuesit, në kasaforta ka pasur para për gatshme, disa çelësa personal dhe disa stoli ari.
“VJEDHJE E RËNDË- Rr. Mazllum Lakuci, Gjakovë 22.05.2023 – 08:14. Ankuesi mashkull kosovar ka informuar se persona të pa njohur kanë depërtuar brenda në shtëpinë e tij dhe kanë vjedhur dy kasaforta. Sipas ankuesit, në kasaforta kishte para të gatshme në vlerrë të konsiderueshme, disa çelësa personal, dhe disa stoli të arit. Rasti në procedurë hetimore.”
Lidhur me këtë ngjarje ka reaguar edhe Teqja e Madhe e Gjakovës. Në komunkatë thuhet se shuma e parave dhe gjerave te tjera me vlere, e grabitur ne Teqe, ka qene pjese e kursimeve disavjeçare te Shehut te Teqese se Madhe, familjes Shehu dhe te besimtareve.
“Teqja e Madhe e Gjakoves, percjelle indinjaten e thelle për aktin vandal e makaber te grabitjes ne Teqe. Shuma e parave dhe gjerave te tjera me vlere, e grabitur ne Teqe, ka qene pjese e kursimeve disavjeçare te Shehut te Teqese se Madhe, familjes Shehu dhe te besimtareve, me qellim te investimit ne rindertimin perfundimtar te objektit te Teqese se Madhe ne Marash-Hisar te Przirenit. Shpresojme qe shume shpejt organet e rendit dhe te drejtesise ta kryejne punen e tyre dhe ta zbardhin ne plotni kete rast.”
