Zbardhet vjedhja e kamionçinës në fidanishten e luleve në Mullet disa ditë më parë nga Afrim Agasi.

Pamjet filmike dhe kontrollet e banesave zbuluan si autor 51 vjeçarin nga Ishmi i Durrësit. Agasi pranon vjedhjen dhe deklaron se e bëri për shkaqe ekonomike. Hetimet e Komisaristit nr 1 në Tiranë zbuluan vjedhjen e ndodhur këtë të hënë, ndërsa në kuadër të hetimit u zbulua se Agasi mbante një çantë shpine me mbishkrimin “Nike” në momentin kur mori kamionçinën dhe e fshehu në afërsi të Ishmit.

Të nesërmen pas vjedhjes, ai nuk paraqit në punë tek fidanishtja, ç’ka edhe ngriti dyshime tek pronari i mjetit.

“Jam i penduar për krimin e kryer” deklaroi ai këtë të enjte para togave të zeza ku kishte dalë për tu njohur me masën e sigurisë. Gjykata e Tiranës e ka lënë në burg 51 vjeçarin me akuzën e vjedhjes. Ai ra në prangat e shërbimeve të Komisariatit nr 1 të Martën në Tiranë ndërsa blutë e Durrësit e kishin identifikuar për vjedhjen e një automjeti në pronësi të shtetasit G.R. më datë 22 Gusht të këtij viti.

Automjeti në fjalë kap një vlerë të konsiderueshme dhe cilësohet i kushtueshëm. Ndërkohë, Agasi rezulton të jetë person me precedent penal të mëparshëm pasi në vitin 2017 u arrestua në fshatin Ishëm ku edhe banon, pasi gjatë kontrollit në banesë iu gjet 1 kg e 654 gram lëndë narkotike e dyshuar e llojit marjuanë.