Një ngjarje e vjedhjes është regjistruar në Tiranë më 11 dhjetor, kur një 32-vjeçar, i identifikuar si I.L., ka vjedhur një automjet në hyrjen e një mobilerie në bulevardin “Bajram Curri”. Ai ka hyrë në dyqan dhe, duke përdorur kërcënimin me një mjet prerës, ka marrë çelësin e automjetit të parkuar.

Automjeti i vjedhur është gjetur më pas i braktisur në rrugën “Babë Rexha” dhe u sekuestrua si provë materiale.

Policia e Tiranës ka finalizuar operacionin “Grab”, duke vënë në pranga autorin e dyshuar, i cili është një banor i Durrësit. Materialet janë referuar Prokurorisë për veprime të mëtejshme.