Pre e grabitjes së mbrëmjes e djeshme në rrugën “Myslym Shyri”, ka qenë një nga pikat e kompanisë ‘Vodafone’.

Autori ka hyrë i qetë në ambientet e dyqanit, i është afruar punonjëses dhe fillimisht i ka komunikuar për të bërë një pagesë, por në ketë moment ai ka futur dorën në xhepin e bluzës, ku mbante një armë zjarri e dyshuar pistoletë.

Duke kërcënuar punonjëse ka arritur të marrë nga aty te gjithë xhiron ditore, ku sipas të dhënave, autori ka marrë rreth 400 mijë lekë të vjetra.

Ai ka qenë i veshur me bluzë të kuqe sportive, tuta të kuqe, ndërsa në kokë me qëllim mos-identifikimin mbante një kapele. Policia ka sekuestruar kamerat e sigurisë brenda dhe jashtë biznesit me qellim identifikimin e autorit që dyshohet të jetë rreth të 25-tave.