Një ngjarje e rëndë ka tronditur Shënavlashin e Durrësit, ku 34-vjeçari Esmerald Balla ka vrarë babain e tij, 62-vjeçarin Enver Balla, dhe më pas ka hedhur trupin e tij në një pus. Trupi i pajetë i Enver Ballës u gjet rreth 20 ditë pas vrasjes, pas një hetimi intensiv nga autoritetet.

Esmerald Balla, i cili fillimisht kishte denoncuar zhdukjen e të atit, përfundimisht pranoi krimin para hetuesve. Ai deklaroi se e kishte vrarë të atin me pretendimin se ky i fundit i kishte marrë një shumë parash. Policia e Durrësit kishte dyshime që në fillim për një krim brenda familjes dhe përgjuar komunikimet telefonike dhe mesazhet e autorit, çka çoi në zbardhjen e plotë të kësaj ngjarjeje tragjike.

Esmerald Balla tani përballet me drejtësinë për aktin e rëndë që ka tronditur mbarë komunitetin.