Një 49-vjeçare nga fshati i Gozhdarazhdë i Kolonjës ka humbur kontaktet me familjarë prej tre ditësh. Mësohet se bëhet fjalë për shtetasen Mimoza Kristo, e cila vuan nga probleme të shëndetit mendor.

Vëllai i saj, shtesi R. Kristo ka bërë kallëzimin në polici, ku ka kërkuar ndihmën e uniformave blu për gjetjen e motrës së tij.

“Më datë 21.05.2023, në Komisariatin e Policisë Kolonjë është paraqitur shtetasi R. K., 45 vjeç, banues në fshatin Gozhdarazhdë, Kolonjë, i cili deklaron se më datë 20.05.2023, i është larguar nga banesa motra e tij 49-vjeçare, e cila vuan nga probleme të shëndetit mendor. Nga ana e Policisë po vijon puna për gjetjen e saj.” – thuhet në njoftimin e autoriteteve.

Të afërmit njoftojnë se në momentet kur Mimoza Kristo është larguar nga shtëpia, ajo ka qënë e veshur me rroba të errëta.

Kush e sheh ose ka ndonjë informacion të njoftojë në numrin e telefonit 0692470101.