Nisja e Forumit Ekonomik Botëror në Davos ka rëndësi të veçantë për rajonin e Ballkanit Perëndimor, pasi do të pjesëmarrin edhe presidenti i Serbisë, Aleksandar Vuçiç, dhe kryeministri i Kosovës, Albin Kurti. Ambasadori i Gjermanisë në Kosovë, Jorn Rohde, ka shprehur gëzimin e tij për pjesëmarrjen e dy udhëheqësve në këtë forum, ku temat kryesore përfshijnë “Arritja e sigurisë dhe bashkëpunimit në një botë të thyer”.

Në një postim në rrjetin social “X”, ambasadori Rohde ka shkruar se ka shpresa që ky forum do të kontribuojë në dialogun midis Kosovës dhe Serbisë, si dhe në zhvillimin e marrëdhënieve në rajonin e Ballkanit Perëndimor. Forumi Ekonomik Botëror do të mbahet deri më 19 janar dhe do të fokusohet në sfidat dhe mundësitë ekonomike globale, duke sjellë bashkë udhëheqës dhe personalitete nga shumë vende të botës.

“Javën e ardhshme, në Davos do të nisë Forumi Ekonomik Botëror. Me të gjitha temat kryesore të rëndësishme, ‘Arritja e sigurisë dhe bashkëpunimit në një botë të thyer’ veçanërisht për Kosovën, dialogun Kosovë – Serbi dhe të gjithë rajonin e Ballkani Perëndimor. Gëzohem që do t’i shoh të dy, Albin Kurtin dhe Aleksandar Vuçiçin të jenë të pranishëm”, ka shkruar Rohde në rrjetin social “X”.