Është zhvilluar në Zvicër “Swissalbs Award Gala Night”, ngjarja më e madhe e komunitetit shqiptar, e cila çdo vit nderon sipërmarrës dhe personalitete të shquara për arritjet e tyre ekonomike dhe shoqërore.

Këtë vit, futbollisti kosovar Xherdan Shaqiri, aktualisht lojtar i FC Basel, u vlerësua për angazhimin e tij sportiv dhe shoqëror. Përveç sukseseve të tij ndërkombëtare në fushën e futbollit, Shaqiri përdor popullaritetin për të frymëzuar të rinjtë dhe për të mbështetur projekte sociale.

“Jam krenar që e marr këtë çmim nga swissalbs. Futbolli më ka hapur shumë dyer dhe është e rëndësishme për mua të jap diçka mbrapsht, sidomos për fëmijët dhe të rinjtë që përmes sportit gjejnë komunitet, disiplinë dhe gëzim,” – tha Shaqiri gjatë fjalës së tij.

Shaqiri u vlerësua si një shembull i guximit, disiplinës dhe këmbënguljes, vlera që ai i përcjell me përkushtim te gjeneratat e reja.