Ambasadorja amerikane në Shqipëri Yuri Kim, me anë të një postimi në rrjetet sociale ka treguar se ka zhvilluar një takim me ish amabasadorët amerikanë në Shqipëri, të cilët në 31 vite të ndryshme kanë pasur përvoja të ndryshme në popullin shqiptar.
Ambasadorja Kim është shprehur se secili nga ambsadorët kanë një të përbashkët me njëri tjetrin, besimin dhe lidhjen mes popullit shqiptar dhe atij amerikan.
“Një mbledhje e mrekullueshme në Uashington me ish-ambasadorët e SHBA në Shqipëri – Bill Ryerson, Marisa Lino, Jim Jeffrey, Marcie Ries, Alex Arvizu. Secili prej nesh kemi pasur përvoja të ndryshme në 31 vjet që kur populli shqiptar u çlirua nga zinxhirët e diktaturës komuniste, por ne kemi një gjë të përbashkët: besimin se lidhja mes popullit amerikan dhe atij shqiptar është vërtet e veçantë, admirimi për sa shumë shqiptarët, njerëzit kanë arritur, pavarësisht nga shanset dhe optimizmi i qëndrueshëm për të ardhmen”, shkruan Kim në postimin e saj në rrjetet sociale.
Ky takim i Kim me ish-ambasadorët amerikanë vjen në një moment kur diplomatja e SHBA-ve është nën sulme të vazhdueshme, për qendrimet e saj ndaj situatës politike në Shqipëri.
