Autoritetet vendase në Gaza kanë zbuluar një varr masiv në provincën Khan Younis, dy javë pas tërheqjes së forcave izraelite. Shërbimet e urgjencës kanë raportuar për gjetjen e më shumë se 50 trupave palestinezë dhe vazhdojnë kërkimet për trupa të tjerë. Trupat u varrosën nga forcat pushtuese në spitalin Nasser, ndërsa ka ende trupa nën rrënoja dhe varreza masive. Forcat izraelite u tërhoqën nga Khan Younis më 7 prill pas një operacioni të gjatë tokësor, duke lënë pas dëme të shumta në infrastrukturë dhe duke shkaktuar vdekjen e shumë civilëve palestinezë.

“Sot, ekipet tona në provincën Khan Younis zbuluan trupat e 50 martirëve nga grupmosha të ndryshme, të cilët u varrosën nga forcat pushtuese në spitalin Nasser”, thuhet në një deklaratë.