Ish-banori i “Big Brother VIP Albania”, Zebërvoki, ka shprehur hapur zhgënjimin e tij ndaj Egli Takos, me të cilën kishte ndërtuar një raport të afërt brenda shtëpisë.

Përmes një postimi në Instagram, ai shprehu keqardhjen e tij për mënyrën se si Egli është shfaqur në vazhdim të lojës, duke theksuar se e kishte parë atë si një finaliste të denjë, por tashmë nuk mendon më njësoj.

“Hiqni follow, më shani, më kundërshtoni, bëni ç’të doni, ama unë zhgënjimin tim në lidhje me Eglin do e shpreh hapur. Kam qenë ndër të parët që e kam vlerësuar si mike të mirë dhe kam dashur ta shoh finaliste e pse jo fituese, por sot tërhiqem nga çdo fjalë e thënë. Sa keq më vjen që u transformua kështu, por ç’ti bësh, ajo lojë ashtu e ka.” – ka shkruar Zebërvoki.

Ish-banori i BBVA la të kuptohet se ndryshimi i Eglit gjatë lojës ka qenë arsyeja kryesore e zhgënjimit të tij.

“Big Brother është një format që ose nxjerr në pah vlerat e dikujt, ose ndodh e kundërta. Kjo është arsyeja pse nuk pranova të përfshihesha në strategji gjatë qëndrimit tim në shtëpi.”

Reagimi i tij ka ngjallur reagime të shumta nga ndjekësit, ndërsa fansat e Eglit kanë dalë në mbrojtje të saj, duke theksuar se loja është dinamike dhe çdo konkurrent zgjedh rrugën e tij për të arritur finalen.

Mbetet për t’u parë nëse Egli Tako do të reagojë ndaj deklaratave të Zebërvokit apo nëse situata do të ndikojë në ecurinë e saj brenda shtëpisë së Big Brother VIP Albania.