Vendimi i Serbisë për të blerë avionë ushtarakë francezë ‘Rafale’ është një zgjedhje e plotë e Serbisë, sipas zëdhënësit të Kremlinit, Dmitry Peskov. Ky reagim vjen në kontekstin e vizitës së presidentit francez Emmanuel Macron në Beograd, ku u nënshkrua një kontratë për blerjen e 12 avionëve të rinj Rafale.

Peskov theksoi se është e natyrshme që çdo vend të udhëhiqet nga motive ekonomike dhe të tjera kur merr vendime të tilla. Ai reagoi në përgjigje të deklaratës së presidentit serb Aleksandar Vuçiç, i cili kishte shprehur se për momentin nuk ishte e mundur për Beogradin të blinte avionë nga Rusia apo Kina.