Presidenti ukrainas Volodymyr Zelensky deklaroi se Koreja e Veriut po trajnon 10,000 ushtarë për të mbështetur Rusinë në luftën kundër Ukrainës. Ai bëri këtë deklaratë pas takimit me ministrat e mbrojtjes të NATO-s në Bruksel.

“Ata po stërvisin 10,000 ushtarë në territorin e tyre, por ende nuk i kanë transferuar në Ukrainë apo Rusi,” tha Zelensky gjatë një konference të përbashkët për shtyp me sekretarin e NATO-s, Mark Rutte.

Zelensky shtoi se një numër i paspecifikuar oficerësh dhe personel taktik nga Koreja e Veriut tashmë ndodhen në territoret ukrainase të pushtuara nga Rusia. Megjithatë, Rutte theksoi se NATO nuk ka prova që ushtarët e Koresë së Veriut janë përfshirë në luftime direkte, por është e qartë se Pheniani po mbështet Moskën.