Procesi i numërimit të votave nga diaspora për zgjedhjet e mbajtura më 11 maj po vijon pa ndërprerje, ndërkohë që për qarqet e Lezhës dhe Fierit ky proces ka përfunduar. Sipas të dhënave nga Komisioni Qendror i Zgjedhjeve, aktualisht mbeten rreth 14 mijë vota të panumëruara nga jashtë vendit, që i përkasin qarqeve Tiranë, Durrës, Shkodër dhe Kukës.
Qarku i Lezhës – PD ruan avantazhin me 4 mandate
Vota e diasporës, edhe pse ndikoi ndjeshëm në shifrat përfundimtare, nuk arriti të përmbysë epërsinë e PD-së, e cila mban 4 mandate, ndërsa PS mbetet me 3 mandate. Diferenca përfundimtare u vendos nga vetëm 70 vota, duke reflektuar një garë tejet të ngushtë. Numërimi në Parkun Olimpik është ndjekur nga përfaqësues të partive dhe përkrahës të shumtë.
Deputetët e qarkut Lezhë në Kuvend:
• PD – Lista e Mbyllur: Agron Gjekmarkaj, Elda Hoti
• PD – Lista e Hapur: Gjin Gjoni (8873 vota), Kastriot Piroli (5632 vota)
• PS – Lista e Mbyllur: Ulsi Manja, Ermal Pacaj
• PS – Lista e Hapur: Marjeta Neli (6745 vota)
Qarku i Fierit – PS siguron 12 mandate
Partia Socialiste, pas numërimit të votave të diasporës për qarkun e Fierit, ka ruajtur mandatin e 12-të, duke e konsoliduar avantazhin në këtë zonë.
Deputetët e PS në Fier:
• Lista e Mbyllur: Belinda Balluku, Petrit Malaj, Kiduina Zaka, Erjo Mile, Ana Nako
• Lista e Hapur: Ceno Klosi, Klevis Jahaj, Asfloral Haxhiu, Antoneta Dhima, Elton Korreshi, Zegjine Çaushi, Dhimitër Kruti
PD-ASHM në Fier:
• Lista e Mbyllur: Gazment Bardhi, Luan Baçi, Brunilda Haxhiu, Saimir Korreshi
Procesi i numërimit për qarqet e tjera vijon, dhe pritet që rezultatet përfundimtare për Tiranën, Durrësin, Shkodrën dhe Kukësin të jenë vendimtare për ekuilibrat politikë të Kuvendit të ri.
