Pas fitores në dy komunat në zgjedhjet në Veri të Kosovës, Partia Demokratike e Kosovës (PDK) ka kaluar në vendin e parë për nga numri i komunave që ka në qeverisje.

Me fitoren në Zubin Potok dhe Zveçan, PDK tashmë ajo qeveris në dhjetë komuna të Kosovës.

Komunat e qeverisura nga PDK-ja janë: Prizren, Ferizaj, Mitrovicë, Vushtrri, Drenas, Skenderaj, Kaçanik, Han i Elezit, Zubin Potok dhe Zveçan.

Lidhja Demokratike e Kosovës (LDK) tashmë ka kaluar në vend të dytë me numrin e komunave që menaxhon dhe ato janë: Prishtinë, Pejë, Fushë Kosovë, Lipjan, Istog, Viti, Dragash, Junik dhe Obiliq (pas kalimit të kryetarit Xhafer Gashi në këtë parti).

Lëvizja Vetëvendosje (LVV) me fitimin e dy komunave në veri kalon AAK-në dhe del në vendin e tretë për nga numri i komunave të fituara në zgjedhje lokale.

Tashmë LVV drejton gjashtë komuna dhe ato janë: Gjilan, Podujevë, Kamenicë, Shtime, Mitrovicë e Veriut dhe Leposaviq.

Aleanca për Ardhmërinë e Kosovës (AAK) ka arritur të ruaj qeverisjen në pesë komuna në zgjedhjet e fundit lokale: Gjakovë, Suharekë, Klinë, Rahovec dhe Deçan.

Nisma Socialdemokrate qeverisë në Malishevë. Mamushën e drejton partia nga komuniteti turk KDTP.

Lista Serbe tashmë ka qeverisje në gjashtë komuna: Graçanicë, Shtërpcë, Novobërdë, Ranillug, Partesh dhe Kllokot.