Fatbardh Kadilli, i cili u rendit i fundit në garën për kreun e Partisë Demokratike ka pranuar humbjen përballë Lulzim Bashës. Në një deklaratë për mediat, Kadilli tha se do ta vazhdojë projektin e tij për ringritjen e PD, duke mos hequr dorë.
“Unë nuk jam Luli, unë e pranoj rezultatin. Manifesti politik për ringritjen e PD është projekti kryesor që demokratët kanë përpara. Me këtë manifest PD mund të ringrihet. Unë nuk iki, unë nuk dorëzohen, nuk krijoj parti të re, por do shpalos me këmbëngulje këtë projekt të ri. Vetëm kështu shqiptaret do të kenë një parti të tyre dhe politike bëhet frymëzim për qytetarin.
Jam krenar që në partinë time, jo për interesin tim ndeza shkëndijën e parë të garës. Më shumë se garë ishte sfidë. Demokratët patën mundësinë mos shkonin symbyllur drejt opozitës në mandatin e tretë. Gara tregoi se opozita nuk është ekzkluziviteti i askujt. Sot asnjë demokrat nuk mund të thotë se nuk kishin zgjedhje tjetër.
Kjo garë na dha një mundësi që nuk u shfrytëzua. Ofruam garë, por jo standarde. Zgjedhjet brenda PD më keq se ato mes partive politike, nuk jam basha, pranoj rezultatin ezgejdhjeve.
Ato qindar vota që bështetën projektin tim janë fitili që ndezi. Manifesti politik për ringritjen e PD janë e vetmja gjë që kanë demokratët përpara. Unë nuk iki, nuk dorëzohem, nuk krijoj parti të re. Do të shpalos projektin e ringritjes. ‘- tha Kadilli.
Kadilli shprehet se nuk e ka uruar Lulzim Bashën për fitoren, pasi sipas tij gara ishte e pabarabartë.
“Kjo garë është e pabarabartë, në këto kushte nuk mund ta uroj. Do ta uroja nëse do të dilte fitues nga një garë e barabartë. Në këtë parti Luli më ka gjetur dhe do më lërë prapa. Në parti vijmë sepse kemi ide, bindje dhe interesa të përafërta” u shpreh Kadilli.
Ne zgjedhjet e te dieles, kreu aktual i Partisë Demokratike, Lulzim Basha ka siguruar 80% të votave ose 26 682 vota. Ndërkohë, si kandidati i dytë më i vlerësuar nga demokratët është Agron Shehaj. Ky i fundit mori 5186 vota ose ndryshe 15.55 % të të gjitha votave të hedhura në kutitë e votimit në 76 qendra votimi.
