Një 63-vjeçar nga Berati është zhdukur prej dy ditësh, pasi kishte dalë për peshkim në lumin Vjosë, në fshatin Kashishtë. Denoncimi është bërë nga shoku i tij, një 64-vjeçar me inicialet Sh. S., i cili njoftoi policinë se kishte humbur kontaktet me mikun e tij, E. K., 63 vjeç, më 16 janar 2025.

Menjëherë pas raportimit, autoritetet kanë nisur kërkimet, ndërsa polumbarët e RENEA-s janë angazhuar për të ndihmuar në gjetjen e 63-vjeçarit. Deri më tani nuk ka asnjë gjurmë të tij, ndërsa operacioni i kërkimit vijon në zonën e lumit Vjosë dhe përreth saj.

Policia e Shtetit u ka bërë thirrje banorëve të zonës që mund të kenë informacion mbi rastin të kontaktojnë autoritetet për të ndihmuar në operacionin e kërkimit.