Partia Demokratike ka kundërshtuar fort vendimin e marrë në konferencën e kryetarëve nga maxhoranca për zhvillimin e mbledhjeve të komisioneve parlamentare online. Debati për zhvillimin e tyre normalisht, ka vijuar dhe në seancën plenare.
Kreu i grupit parlamentar të Partisë Demokratike, Alfred Rrushaj, kundërshtoi në seancën e sotme parlamentare vendimin e Konferencës së Kryetarëve për të vijuar zhvillimin e Komisioneve Parlamentare online për shkak të situatës së pandemisë së Covid-19.
Rushaj teksa theksoi se vendimi është anti-kushtetues pasi nuk jemi në kushtet e situatës së gjendjes së jashtëzakonshme, e cilësoi atë si një përpjekje për të kufizuar parlamentarizmin.
Në fundt të fjalës së tij ai kërkoi që qeveria të tërhiqej nga ky vendim dhe të zbatohej rregullorja e Kuvendit.
“Në mënyrë të jashtëligjshme me Kushtetutën e Shqipërisë, u mor një vendim në gjykimin tonë i pavlefshëm që kufizon punën e që komisionet parlamentare të bëhen online.Rregullorja është e qartë kur kufizohet puna e Komisioneve Parlamentare dhe ato janë janë gjëndja e jashtëzakonshme dhe gjendja e fatkeqësisë natyrore.Ne, sot, nuk jemi në asnjë nga këto gjendje formale juridike për të cunguar punën e komisioneve parlamentare.E vetmja gjë pse kjo do të bëhet është për të kufizuar parlamentarizmin. Ne nuk e pranojmë këtë dhe kërkojmë që ai vendim që u morr në Konferencën e Kryetarëve të hidhet poshtë dhe të vijojë të zbatohet rregullorja’, tha Rushaj.