Një apartament në lagjen Granicë të Gjirokastrës ka marrë flakë ditën e sotme, duke shkaktuar dëme materiale.

Zjarrfikësit mbërritën menjëherë në vendngjarje dhe konstatuan se zjarri kishte përfshirë katin e dytë të një pallati 5-katësh. Flakët u izoluan dhe më pas u vunë nën kontroll, duke parandaluar përhapjen në apartamentet e tjera.

Si pasojë e incidentit, pati dëme në orendi dhe pajisje shtëpiake, ndërsa nuk raportohet për persona të lënduar. Autoritetet po vijojnë hetimet për të përcaktuar shkakun e zjarrit.