Një aksident i rëndë ka ndodhur në Rrugën e Qelqit, në zonën e Kombinatit, ku janë përfshirë dy automjete.

Si pasojë e përplasjes, njëra makinë është përmbysur në mes të rrugës, ndërsa automjeti tjetër ka goditur një dyqan kancelarie, duke shkaktuar dëme të konsiderueshme materiale.

Ende nuk raportohet për persona të lënduar, ndërsa aksidenti ka krijuar vështirësi në qarkullimin e automjeteve në këtë aks rrugor. Autoritetet ndodhen në vendngjarje dhe po kryejnë veprimet e nevojshme për pastrimin e zonës dhe hetimin e shkaqeve të aksidentit.