Zjarr në një qendër tregtare në Marikaj të Vorës, flakët përhapen me shpejtësi

Një qendër tregtare në Marikaj të Vorës është përfshirë nga flakët këtë të martë, duke shkaktuar panik mes qytetarëve dhe dëme të konsiderueshme materiale.

Zjarrfikësit kanë mbërritur në vendngjarje dhe po punojnë për shuarjen e flakëve, të cilat po përhapen me shpejtësi për shkak të erës së fortë dhe materialeve brenda godinës, kryesisht veshje.

Paraprakisht dyshohet se shkak i zjarrit është një furnelë elektrike e përdorur për ngrohje. Autoritetet po vijojnë hetimet për të përcaktuar shkakun e saktë të incidentit.