Një zjarr i fuqishëm shpërtheu në një ndërtesë banimi trekatëshe në qytetin Quezon, në periferi të kryeqytetit të Filipineve, duke lënë 8 të vdekur dhe 1 të plagosur. Zjarri shpërtheu pas mesnate në ndërtesën e bërë kryesisht nga dru, kur banorët ishin duke fjetur. Ngjarja ndodhi në San Isidro Galas, një fshat i qytetit të Quezon.

Zyrtarët thanë se dy nga viktimat u gjetën në katin e parë dhe gjashtë të tjerët u gjetën në katin e dytë, ku dyshohet se ka filluar zjarri. Beverly Salvador, një banore e ndërtesës, tregoi se ajo dhe familja e saj shpëtuan duke u zvarritur nga një dritare në katin e tretë, ndërsa flakët dhe tymi i dendur përhapanin shpejt në katet poshtë.

Ndërkohë, autoritetet po punojnë për të zbardhur shkakun e këtij zjarri tragjik. Ngjarja ndodhi vetëm dy ditë përpara muajit të parandalimit të zjarrit në Filipine, një fushatë që synon të rrisë ndërgjegjësimin për rreziqet e zjarrit, veçanërisht para fillimit të sezonit të verës. Shumë zjarre të tilla janë lidhur me zbatimin e dobët të rregulloreve të sigurisë, mbipopullimin dhe dizajnet e gabuar të ndërtesave.