Ngjarja në fabrikën e skrapit në Kurum, Elbasan, ka shkaktuar shqetësim në qytet pasi re të zeza tymi janë shfaqur në gjithë zonën.

Drejtori teknik i sigurisë së jashtme së Kurumit, Mërkur Çipi, bëri deklaratë për mediat duke sqaruar se zjarri ndodhi aksidentalisht në brendësinë e fabrikës.
Shkëndija fillimisht u shfaq në brendësi dhe më pas u përhap lart në sipërfaqen e skrapit.

Kjo ngjarje ka ndodhur aksidentalisht nga një bateri që ka ndodhur në grumbullim të skrapit në thellësi të brendshme të skrapit. Dhe nga shkëndija që ka marrë atje dhe në orën 10:25 ka dhënë një shkëndijë tymi në lartësinë e skrapit. Mendoj se është një ngjarje aksidentale dhe është një fatkeqësi për Kurumin dhe për të gjithë ne.

Ato janë materiale plastike gjëra që ka brenda skrapi. Tymi është i dëmshëm për shëndetin. Është ngjarje aksidentale. Sa kam unë këtu është hera e parë që ndodh diçka e tillë. 95% e kemi vendosur zjarrin nën kontroll, por nga një shpërthim i bomble gazi ka dhënë një shkëndijë në një depozitë tjetër skrapi,-tha Mërkur Çipi drejtori teknik

Materialet brenda fabrikës janë kryesisht plastike, ndaj tymi është i dëmshëm për shëndetin.

Flakët janë nën kontroll, megjithatë një shpërthim i një bombe gazi ka shkaktuar një shkëndijë në një depo tjetër skrapi.

Autoritetet po punojnë për menaxhimin e situatës dhe për të siguruar sigurinë në zonën përreth.