Zyra Arsimore Berat ka shkarkuar nga detyra mësuesin e shkollës ‘22 tetorit’ në Berat, Ëngjëll Bregu, i cili ishte dënuar për “pedolifi” dhe “ngacmim seksual”.

Në një reagim, DAR bën me dije se nuk ishin në dijeni se mësuesi ishte i dënuar, pasi dëshmia e penalitetit që kishte dorëzuar ishte e pastër.

Për ngjarjen reagoi edhe ministrja e Arsimit Evis Kushi ka reaguar përmes një postimi në Facebook, lidhur me rikthimin e mësuesit në këtë shkollë.

Kushi ka njoftuar se ka nisur një hetim administrativ për të gjetur dhe ndëshkuar përgjegjësit që e kanë rikthyer në punë mësuesin për të cilin ka pasur shumë denoncime nga nxënësit për ngacmim seksual.

Ministrja ka dënuar rastin e punësimit me kontratë të mësuesit në Berat ndërsa thekson se është e pafalshme që persona të tillë të hyjnë qoftë edhe për një orë të vetme në mjediset e shkollave tona.

Në vitin 2003, kanë qënë disa nxënëse të shkollës 9-vjeçare “Uznovë” në Berat, ato që e kanë denoncuar mësuesin e tyre kujdestar Ëngjëll Bregu se gjatë një ekskuesioni në Bogovë ai i kishte prekur në pjesët intime të trupit.

Nxënëset atëherë e cilësuan mësuesin si maniak, pedofil dhe të rrezikshëm. Mësuesi u arrestua dhe u dënua për “pedofili” dhe “ngacmim seksual” nga Gjykata e Beratit me 7-muaj burg, por gjykata nuk ja hoqi asokohe të drejtën e rikthimit në detyrë edhe pse u kërkua nga prokuroria.