Carlo Acutis, një adoleshent i lindur në Londër dhe i ndarë nga jeta në vitin 2006 nga leuçemia, është bërë protagonisti më i ri në historinë e Kishës Katolike që pritet të njihet si shenjtor. Vendimi i Papës Françesku vjen pas njohjes së një mrekullie të dytë të atribuara djalit, duke e hapur rrugën për shenjtërimin e tij.

Në vitin 2020, Kisha Katolike njohu se Carlo kishte shëruar një djalë brazilian, Mattheus Vianna, i cili vuante nga një defekt serioz që e pengonte të ushqehej normalisht. “Ajo mrekulli, e datës shkurt 2014, e pa djalin të shërohej plotësisht pasi ai preku foton e Carlos dhe tha ‘ndalomëni të vjellat’,” tregon një prift dhe mik i familjes së Mattheus.

Mrekullia e dytë lidhet me një vajzë nga Kosta Rika që po studionte në Itali. Ajo u shërua nga një traumë në kokë pas thirrjes për ndihmë tek Carlo, një ngjarje që Papa Françesku e ka vlerësuar si mrekulli të atribuara adoleshentit.

Carlo njihej jozyrtarisht si “ndikuesi i Zotit”, për shkak të aftësive të tij kompjuterike dhe përpjekjeve për të përhapur fenë katolike përmes internetit. Ai u rrit në Milano, ku administronte faqen e famullisë së tij lokale dhe më pas krijoi një akademi me bazë në Vatikan.

Atribuimi i mrekullisë së dytë e bën Carlo Acutis të kualifikuar për shenjtëri, ndërsa Vatikani ende nuk ka njoftuar datën e ceremonisë. Carlo u emërua gjithashtu mbrojtës i Ditës Botërore të Rinisë vitin e kaluar në Lisbonë, duke konfirmuar ndikimin e tij të veçantë tek brezat e rinj.