Futbollisti argjentinas Lucas Trejo është në zi të thellë pasi kërkimet 74-orëshe për bashkëshorten e tij, Yana, dhe dy fëmijët e tyre, të zhdukur pas tërmeteve shkatërruese në Venezuelë, përfunduan në tragjedi.

Sipas mikut të familjes dhe kolegut të tij, Edson Tortolero, trupat e gruas dhe dy fëmijëve u gjetën nën rrënoja mbrëmjen e së shtunës, duke shuar çdo shpresë se ata mund të ishin gjallë.

Lajmi u konfirmua edhe nga klubi i tij, Marítimo de La Guaira, përmes një deklarate zyrtare.

“Club Sport Marítimo La Guaira shpreh dhimbjen e thellë për humbjen që pësoi familja e Lucas Trejos. Ne kërkojmë respekt për të afërmit dhe shokët e tij të ekipit. Pas 74 orësh kërkimesh, trupat u gjetën”, thuhet në reagimin e klubit.

Humbja e familjes së futbollistit është një nga historitë më prekëse të tragjedisë së shkaktuar nga tërmetet në Venezuelë, të cilat kanë lënë qindra viktima dhe mijëra të plagosur, ndërsa operacionet e kërkim-shpëtimit vazhdojnë në zonat më të goditura.