Një ngjarje tragjike ka ndodhur në orët e para të mëngjesit të sotëm në zonën e Ksanthit, Greqi, në një shtëpi ku jetonte një familje me gjashtë anëtarë. Sipas raportimeve nga mediat greke, një 16-vjeçar ka humbur jetën si pasojë e asfiksimit nga gazi në banesë, ndërsa dy motrat e tij janë dërguar me urgjencë në spital, me dy prej tyre që ndodhen në gjendje të rëndë.

Sipas autoriteteve, tragjedia u shmang falë nënës 47-vjeçare të familjes, e cila zbriti në katin e poshtëm të banesës për të zgjuar fëmijët e saj dhe i gjeti ata në gjendje të rëndë për shkak të një rrjedhje gazi. Pas këtij alarmi, djali 16-vjeçar i familjes ndërroi jetë në spitalin e Ksantisë. Dy motrat e tij, 18 dhe 15 vjeçare, po luftojnë për jetën, ndërsa motra e tretë, 20 vjeç, është shtruar në klinikën e patologjisë së spitalit dhe është jashtë rrezikut për jetën.

Babai i fëmijëve, i cili flinte në katin e dytë, është gjetur në gjendje të mirë dhe nuk ka kërkuar ndihmë mjekësore, ndërsa nëna është dërguar në spital dhe është në gjendje të stabilizuar. Hetimet për rrethanat që çuan në këtë tragjedi po kryhen nga Policia e Ksantit, në bashkëpunim me Shërbimin Zjarrfikës, dhe janë kërkuar ekspertiza të ndryshme për zbardhjen e ngjarjes. Dyshohet se një bot gazi ishte instaluar pranë shtëpisë 24 orë para ngjarjes fatale dhe se ishte krijuar një mjedis mbytës në zonën ku ndodheshin dhomat e gjumit të fëmijëve.