Një aksident i rëndë ka ndodhur mëngjesin e sotëm, më 7 dhjetor, në Bypass-in e Fierit. Një automjet tip “BMW” ka humbur kontrollin dhe ka dalë nga rruga, duke përfunduar në një arë. Si pasojë e humbjes së kontrollit, drejtuesi i automjetit ka pësuar lëndime të shumta dhe është transportuar me urgjencë nga ekipi mjekësor në Spitalin e Traumës për një mjekim të specializuar dhe të mëtejshëm. Ndërkohë, disa metra larg vendit të aksidentit, është gjetur një viktimë, e cila dyshohet të ketë qenë pasagjer në automjetin që humbi kontrollin. Autoritetet janë angazhuar për të hetuar shkaqet që çuan në këtë aksident tragjik.