Një aksident tragjik ka ndodhur rreth orës 23:00 të së premtes në autostradën A35, në dalje të Travagliato, në provincën e Brescias, ku një 27-vjeçare shqiptare ka humbur jetën. Viktima është identifikuar si Adela Xhaferri, e cila udhëtonte si pasagjere në një automjet të drejtuar nga një mikeshë. Pas një rrëshqitje të makinës që shkaktoi daljen jashtë rruge, asnjëra prej tyre nuk kishte pësuar dëmtime të rënda.
Megjithatë, kur Adela doli nga automjeti, ajo u godit nga një makinë tjetër që nuk mundi të shmangte përplasjen. Viktima, e cila kishte origjinë shqiptare dhe jetonte në Breshia, ndërroi jetë në vendngjarje. Policia ka nisur hetimet për zbardhjen e rrethanave të aksidentit.
