Engjëllush Ibrahimi, 39 vjeç, i shpallur në kërkim ndërkombëtar nga autoritetet e Kosovës për një laborator kanabisi ku u gjet 1 ton drogë, është arrestuar sot në Cërrik. Ibrahimi ka dy akuza të rënda kundër tij: “Kultivimi i bimëve të hashashit, shkurres së kokainës ose bimëve të kanabisit” dhe “Blerja, posedimi dhe shitja e paautorizuar e narkotikëve, substancave psikotrope dhe analoge”.

Gjykata e Pejës ka caktuar masën “arrest me burg” për Ibrahimin, i cili pritet të ekstradohet në Kosovë për të përballuar akuzat. Lidhur me laboratorin e drogës, 3 persona janë arrestuar, ndërsa dy të tjerë janë ende në kërkim.

Arrestimi i Ibrahimit u realizua pas shkëmbimit të informacionit dhe koordinimit të punës ndërmjet Komisariatit të Policisë Cërrik dhe agjencive ligjzbatuese në Kosovë.

Si rezultat i shkëmbimit të informacioneve dhe koordinimit të punës, ndërmjet Komisariatit të Policisë Cërrik dhe agjencive ligjzbatuese në Kosovë, u bë e mundur kapja dhe arrestimi, me qëllim ekstradimin në Kosovë, i shtetasit të shpallur në kërkim ndërkombëtar Engjëllush Ibrahimi, 39 vjeç, banues në Cërrik.

Gjykata Themelore e Pejës i ka caktuar këtij shtetasi, masën e sigurisë “Arrest në burg”, për veprat penale “Kultivimi i bimëve të hashashit, shkurres së kokainës ose bimëve të kanabisit” dhe “Blerja, posedimi dhe shitja e paautorizuar e narkotikëve, substancave psikotrope dhe analoge”, parashikuar nga Kodi Penal i Republikës së Kosovës”.