Dy të rinj, Klajdi Serjani dhe Euxhenjo Manushi, janë arrestuar në Tiranë pas një operacioni të Anti-Drogës, pasi u kapën me 1 kilogram e 50 gramë kokainë, me një vlerë tregu prej 270 mijë eurosh. Ata dyshohet se shpërndanin drogëra të forta në zonën e ish-Parkut të Autobusëve, një vend i njohur për aktivitete të tilla.
Euxhenjo Manushi, 20 vjeç, është djali i saksofonistit të njohur Adriano Manushi, i njohur me emrin artistik si Ad Sybardhi. Pas arrestimit të të birit, Ad Sybardhi ka reaguar në rrjetet sociale, ku ka postuar një foto të Euxhenjos dhe e ka shoqëruar me një mesazh ku shkruante: “Allahu te begatoft shpirti babit”. Reagimet në komentet e postimit kanë qenë të shumta, përfshirë një të violinistit Ervin Gonxhi, i cili e cilësoi Euxhenjon si “kingu i kingave”.
