Gëzim Sveçla, asamblist i Lëvizjes Vetëvendosje në Prishtinë, është ndaluar për 48 orë pas një veprimi që ai e ka quajtur simbolik, ku shkuli mikrofonat nga Kuvendi Komunal i Prishtinës. Sveçla ka shpjeguar se ky veprim kishte për qëllim të denonconte atë që ai e ka përshkruar si një “pazar të madh” në qytet. Sipas tij, ky ishte një aksion për të shpërfaqur padrejtësitë dhe për të kërkuar barazi për të gjithë qytetarët, pavarësisht pozitat apo mbiemrat e pushtetarëve.

Në një postim në Facebook, Sveçla theksoi se qëllimi i tij ishte të ngrinte zërin kundër korrupsionit dhe abuzimeve me pushtetin, duke shprehur se ky veprim simbolik ishte një mënyrë për të treguar se qytetarët nuk mund të mbyllin sytë para realitetit të pazarëve që ndodhin në kryeqytet.

“Unë mbiemrin e kam ‘Sveçla’, dhe nga një aksion simbolik që bëra, po më dërgojnë në mbajtje 48h. Por, kjo ndoshta është edhe Kosova që po e ëndërrojmë, pavarësisht mbiemrave të jemi të gjithë të barabartë. A jemi nuk e di? Veprimi im ishte për të shpërfaqur një pazar të madh në Prishtinë. Asgjë më shumë. Por, imagjinoni përpara me mbiemra pushtetarësh çka ndodhte. As me thirrë nuk kanë guxu, se lëre më shumë! Shihemi