Një grabitje është regjistruar sot në një karburant në Durrës. Ngjarja ka ndodhur mëngjesin e sotëm rreth orës 09:00 në Fllakë, në autostradën Tiranë- Durrës.

Dy autorë nën kërcënimin e mjeteve të forta, kanë vjedhur një shumë parash. Mësohet se ata kanë arritur të marrin shumën ditore të karburantit dhe më pas janë larguar.

Policia e Durrësit ka dhënë informacion zyrtar në lidhje me grabitjen e regjistruar sot në një karburant në Fllakë të Durrësit.

Policia bënë me dije se në sheshpushimin e një karburanti, dy persona me dhunë i kanë marrë një sasi lekësh shtetasit, i cili mbledh lekët e xhiros së karburantit dhe janë larguar me një mjet.

Menjëherë në vendngjarje kanë shkuar Efektivet e Policisë të cilët kanë ngritur pika kontrolli dhe po punojnë për kapjen e autorëve.

Gjithashtu në kuadër të zbulimit të plotë të rrethanave të ngjarjes janë shoqëruar dëshmitarë nga vendi i ngjarjes.