Një ngjarje tragjike ka ndodhur në një magazinë në zonën e Piacenzas, Itali, ku një strukturë betoni u shemb, duke shkaktuar vdekjen e 53-vjeçarit shqiptar Lulzim Buci. Viktima, i cili ishte duke punuar në çatinë e magazinës, ra nga një lartësi prej 6 metrash dhe ndërroi jetë në vendin e ngjarjes.

Sipas mediave italiane, së bashku me viktimën po punonte edhe një 31-vjeçar me shtetësi marokene, i cili u plagos dhe aktualisht ndodhet në spital duke marrë ndihmën e nevojshme mjekësore. Dy punëtorët ishin angazhuar për të hequr fletët e abzestit nga çatia e magazinës, një proces që përfshin rreziqe të larta në kushtet e punës.

Autoritetet italiane kanë nisur hetimet për të zbardhur shkaqet e aksidentit dhe për të vlerësuar respektimin e masave të sigurisë në vendin e punës. Ky rast është një tjetër tragjedi që ngre alarmin për kushtet e pasigurta të punës, veçanërisht për punëtorët emigrantë.