Një aksident i rëndë ka ndodhur mbrëmjen e sotme në Malësinë e Madhe, ku një 21-vjeçar ka humbur jetën. Sipas informacionit nga Policia e Shkodrës, ngjarja ka ndodhur rreth orës 20:30, në aksin Koplik-Dedaj.

Viktima është identifikuar si Gjeto Gjonaj, 21 vjeç, banues në fshatin Reç. Sipas hetimeve të para, dyshohet se Gjonaj ka humbur kontrollin mbi drejtimin e automjetit të tij, dhe për pasojë ka dalë nga rruga. Pas aksidentit, 21-vjeçari ka ndërruar jetë gjatë rrugës për në spital.

Policia po vijon hetimet për sqarimin e plotë të shkaqeve të aksidentit.