Një ngjarje e rëndë ka tronditur lagjen Spitallë në Durrës, ku Majlind Habibi, 35 vjeç, ka pranuar vrasjen e shokut të tij të ngushtë, Branko Shkoza, pas një konflikti të nisur për xhelozi ndaj bashkëshortes së tij.

Sipas burimeve, ngjarja ndodhi dhjetë ditë më parë, kur dy miqtë, pas konsumimit të alkoolit në një lokal, nisën një debat të ashpër gjatë kthimit në shtëpi. Tek ura e drurit, Habibi e goditi me grusht Shkozën, duke e hedhur në një kanal me ujëra të zeza. Trupi i viktimës u gjet pesë ditë më vonë, por fillimisht policia e raportoi si aksident.

Babai i viktimës, Haxhi Shkoza, zbuloi se Habibi kishte marrë pjesë në varrimin e Brankos dhe kishte mohuar dijeninë për ngjarjen, duke mashtruar familjen. “Ai bënte sikur nuk dinte gjë. Madje, po përgatiteshin të largoheshin,” deklaroi ai.

Deklarata e bashkëshortes së viktimës
Bora Shkoza, gruaja e viktimës dhe nëna e një djali 11-vjeçar, tregoi për News24 se kishte parandjenja për fatin e burrit të saj. “Kur nuk u kthye për tre ditë, e ndjeva që diçka kishte ndodhur,” tha ajo, duke shtuar se Branko shpesh konsumonte alkool dhe kishte një gojë të rëndë që mund të kishte shkaktuar konfliktin.

Kam djalin 11 vjeç me Brako Shkozën. Burri më tha se do dal të pi një kafe e do vij prapë. M’u lut që të pinim kafe e nuk shkova. Pas disa ditësh, vjehrra më tha se Branko është në kanal. Pasi burri m’u zhduk disa ditë, te puna u sëmura, kisha parandjenja, e doja shumë. Kur u vonua tre ditë, thashë diçka i ka ndodhur. I thosha mos pi, por nuk merrte vesh.
Burri im rrinte gjithmonë tapë. Autorin mund ta ketë sharë nga gruaja, ishte pak i pistë nga goja, por ai nuk ngacmon. Burri im dhe autori ishin shokë të ngushtë. Nuk flisja asnjëherë me shokët e burrit, me gruan e autorit i flisja si je si kalon, kaq. Unë jam te mami im tani, djali im vjen dhe këtu e shkon edhe tek gjyshërit. Nuk rri dot pa burrin. Burrin e kam mbajtur unë, se vetë pinte shumë. I prishte lekët me raki. Unë mendoj se autori e ka vrarë, sepse besoj se Branko e ka sharë atë. Bashkëshorti kishte pak gojë, por ishte i dashur. Edhe më ka dhunuar, qoftë dhe para syve të djalit. Të dy pinim bashkë në lokal dhe janë zënë atje, jo kush jam e kush je ti”