Një javë më parë, e gjithë Turqia u ngrit kundër Rey Manajt pas një faulli të diskutueshëm në fund të ndeshjes mes Sivasspor dhe Galatasaray. Sulmuesi shqiptar nuk u ndëshkua me karton të kuq për ndërhyrjen ndaj Baris Alper Yilmaz, një incident që shkaktoi një histeri kolektive, duke përfshirë edhe reagime të forta nga drejtuesit e klubeve dhe përfaqësues të federatës turke.

Manaj u akuzua se ndërhyrja e tij ishte me qëllim dhe se kishte rrezikuar karrierën e lojtarit të kombëtares turke, Yilmaz. Reagimet e ashpra të Galatasaray, të cilat shpërthyen në rrjetet sociale, çuan deri në kërcënime me jetë ndaj sulmuesit shqiptar. Pavarësisht kësaj, surpriza erdhi kur Yilmaz, i cili u konsiderua i dëmtuar dhe mund të humbiste muaj të tërë, u shfaq si titullar në ndeshjen e Galatasaray ndaj Trabzonspor.

Ky zhvillim hodhi dritë mbi një shfaqje të padrejtë mediatike dhe një histeri kolektive, që shpërfaqi një reagim të tepruar dhe të pabazuar ndaj Manajt. Të shumtë ishin ata që e kërkuan falje për këtë situatë të krijuar dhe e konsideruan atë si një injorim të drejtësisë ndaj lojtarit shqiptar.