Komisioni i Pavarur i Mediave (KPM) ka vendosur të gjobisë Klan Kosovën me 30,000 euro për shkak të promovimit të dhunës përmes emisionit “Big Brother”. Lajmi është bërë i ditur nga juristja e mediave, Flutura Kusari, e cila e vlerësoi këtë vendim si “historik”. Ajo theksoi se promovimi i dhunës ndaj grave, denigrimi i komuniteteve dhe dëmtimi i fëmijëve përmes përmbajtjes televizive nuk mund të kalojnë pa ndëshkim.

Kusari e shoqëroi këtë informacion me një postim në rrjetet sociale ku e quajti “Big Brother” një emision që tani ka marrë epitetin e promovuesit të dhunës ndaj grave, duke i bërë thirrje Klan Kosovës të ndryshojë qasjen e tij në këtë drejtim. Ajo gjithashtu e cilësoi këtë vendim si një hap të madh për shoqërinë kosovare, duke theksuar se modeli i Shqipërisë për rritjen e shikueshmërisë përmes dhunës nuk do të kalojë në Kosovë.

Big Brother tani ka marrë epitetin e emisionit që promovon dhunën ndaj grave. A do të ndryshoj qasjen Klan Kosova apo do të vazhdoj avazin e njëjtë?”, ka shkruar Kusari.”E fituam rastin kundër Big Brother dhe Klan Kosova! 30,000 euro gjobë për Klan Kosova që përmes Big Brother promovoi dhunë psikologjike ndaj një viktime të dhunës, lejoi gjuhë denigruese dhe lejoi përdorim të fjalorit vulgar pankodim për t’i mbrojtur fëmijët.

P.S për të interesuarit rreth bazës ligjore, KPM ka përdorë pikërisht nenin 3.1 të Kodit të Etikës në të cilën e kam bazu ankesën dhe poashtu edhe nenin 4 dhe 5 të Kodit.”