Instagram ka mundësuar një mundësi të re për përdoruesit e tij: skedulimin e mesazheve. Ky opsion është tani në dispozicion për përdoruesit në mbarë botën dhe ofron mundësinë e caktimit të një kohe për dërgimin e mesazheve. Ky veprim është jashtëzakonisht i dobishëm për individët dhe bizneset që duan të dërgojnë mesazhe në momentin e duhur, si dhe për t’i dërguar urime ose kujtesa që kanë planifikuar për më vonë.

Për ta përdorur këtë opsion, mjafton të shkruani mesazhin, të mbani shtypur butonin e dërgimit dhe të zgjidhni datën dhe orën që dëshironi ta dërgoni. Instagram ofron një periudhë deri në 29 ditë për të skeduluar mesazhin e ardhshëm. Pas përfundimit të këtij procesi, një njoftim do të shfaqet në ekran, duke treguar se keni “1 mesazh të skeduluar”, dhe ky njoftim do të mbetet derisa mesazhi të dërgohet.

Përveç kësaj, Instagram ka sjellë ndryshime të tjera në sektorin e mesazheve, duke përfshirë mundësinë e dërgimit të vendndodhjes dhe vendosjen e pseudonimeve për përdoruesit. Ata që kanë llogari “creator” gjithashtu mund të filtrojnë kërkesat e mesazheve, duke i ndarë ato sipas numrit të ndjekësve, llogarive të verifikuara dhe bizneseve.