Sulmuesi i Kombëtares shqiptare, Mirlind Daku, po përjeton një moment të artë në karrierën e tij futbollistike. Futbollisti është shpallur “Sportisti i Vitit 2024” në Republikën e Tatarstanit në Rusi, një arritje që vjen si rezultat i performancës së tij të shkëlqyer me klubin Rubin Kazan.
Lajmi është konfirmuar nga vetë klubi rus përmes një postimi në rrjetin social Instagram:
“Sulmuesi ynë, i cili u bë një nga golashënuesit më të mirë të elitës së futbollit rus dhe ishte një nga lojtarët kyç të skuadrës, është shpallur sportisti i vitit 2024 në Republikën e Tatarstanit nga Business Online.”
Në këtë sezon, Daku ka arritur të shënojë 9 gola dhe ka dhënë 4 asistime në Superligën ruse, duke qenë një nga lojtarët më të rëndësishëm për sukseset e skuadrës së tij.
Ky vlerësim është një dëshmi e kontributit të madh që ai ka dhënë për ekipin dhe një motiv shtesë për të vijuar me këtë formë të shkëlqyer në vazhdim të sezonit.
