Policia e Kosovës ka filluar hetimet për një rast në Mitrovicën e Veriut, i cili dyshohet të lidhet me nxitje të përçarjes ndërnacionale, pas raportimeve për grafita me simbolin nacionalist të serbëve. Sipas raportit të policisë, një qytetar kosovar ka njoftuar se ka vërejtur grafita me simbolin “C” (cilirike) në murin e muzeut, të shkruara me ngjyrë të zezë. Po ashtu, grafiti i njëjtë është gjetur edhe në brendësi të objektit.

“Ankuesi mashkull kosovar, ka raportuar se në murin e muzeut kishte vërejtur një grafit, i shkruar me ngjyrë të zezë, katër simbole ‘’C’’ (cilirike). Po ashtu, edhe në brendi të objektit kishte vërejtur një grafit të ngjashëm,” thuhet në raportin e policisë.

Lidhur me këtë ngjarje, është njoftuar prokurori dhe rasti është duke u hetuar. Policia po punon për zbardhjen e rrethanave dhe për të ndërmarrë veprimet e nevojshme për ndalimin e veprimeve të tilla që mund të shkaktojnë tensione ndërnacionale.