Një ngjarje e frikshme ka ndodhur në bypassin e Vlorës, pranë fshatit Kaninë, ku një automjet tip “Benz” është përfshirë plotësisht nga flakët ndërsa ishte në lëvizje. Shkëndija elektrike dyshohet të ketë qenë shkaku i këtij zjarri, i cili ka shpërthyer si pasojë e rrjedhjes së gazit në automjet.

Fatmirësisht, pas shpërthimit dhe shpërndarjes së flakëve, nuk ka pasur të lënduar. Menjëherë pas njoftimit, shërbimi zjarrfikës ka arritur në vendin e ngjarjes dhe ka ndërmarrë veprimet për shuarjen e flakëve. Pas intervenimit, zjarri është vënë nën kontroll, duke parandaluar përhapjen e tij.

Pavarësisht dëmeve të shkaktuara në automjet, ngjarja ka përfunduar pa pasoja për jetën ose shëndetin e personave. Policia po vijon hetimet për të sqaruar shkaqet e plota të incidentit.