Një aksident tragjik ndodhi në Berat, ku një makinë përplasi shtetasin L. K., 50 vjeç, i cili ishte duke lëvizur me biçikletë. Si pasojë e dëmtimeve të marra, 50-vjeçari ndërrroi jetë në spital. Aksidenti u regjistrua nga Policia, e cila arrestoi drejtuesin e automjetit, shtetasin M. Xh., 68 vjeç, banues në fshatin Gajdë, Dimal.
Ndërkohë, Policia e Beratit ka ndaluar edhe një shtetas tjetër, P. H., 53 vjeç, banues në fshatin Drenovicë, për drejtim automjeti në gjendje të dehur. Po ashtu, janë ngritur procedime për një 16-vjeçar nga Kuçova, i cili drejtonte motomjetin pa leje drejtimi dhe pa dokumentacionin përkatës.
Komisariati i Policisë Kuçovë ka referuar gjithashtu një rast tjetër në Prokurori për një shtetas që ka penguar punimet, pavarësisht se kishte leje përkatëse nga bashkia. Materialet e këtyre rasteve janë kaluar për shqyrtim në Prokurorinë e Gjykatës së Shkallës së Parë të Berat.
