Këngëtarja e njohur Kida ka mbyllur vitin 2024 me lajme të mëdha për fansat e saj. Ditëlindja e saj këtë vit nuk ishte si të tjerat, pasi ajo ka marrë një propozim për martesë nga partneri i saj, Ajbi.

Në një postim në rrjetet sociale, Kida ka ndarë momente të veçanta nga festa e ditëlindjes, ku shihet e lumtur dhe me unazën e fejesës në dorë. Ajo e ka etiketuar për herë të parë të fejuarin e saj, duke i dhënë fund spekulimeve rreth jetës së saj private.

“E mbyll vitin si vajza më e lumtur. 2025 do të sjellë shumë surpriza në albumin tim të ri. Ju dua të gjithëve, gjithnjë juaja, Kida” – ka shkruar ajo në përshkrimin e fotove.

Ky lajm ka gëzuar fansat dhe ndjekësit e saj, të cilët kanë mbushur seksionin e komenteve me urime për çiftin dhe pritshmëri për projektet e reja muzikore të Kidës në vitin e ardhshëm.