Një 38-vjeçar italian, Marco Magagna, u vra me thikë nga bashkëshortja e tij pas një konflikti të ashpër fizik. Sipas raportimeve nga mediat italiane, gruaja ka deklaruar para autoriteteve se është mbrojtur pasi burri e kishte sulmuar dhe dhunuar fizikisht.

Pas aktit tragjik, gruaja ka telefonuar urgjencën, por pavarësisht mbërritjes së shpejtë të ndihmës mjekësore, Marco Magagna nuk ka mundur t’i mbijetojë plagëve dhe ka ndërruar jetë.

“Ai më sulmoi dhe unë u mbrojta,” ka thënë ajo në dëshminë e parë për autoritetet. Hetimet vazhdojnë për të zbardhur rrethanat e plota të ngjarjes dhe për të përcaktuar nëse veprimi ishte akt i mbrojtjes së ligjshme apo krim i paramenduar.