Reperi i njohur Post Malone ka treguar anën e tij humane në një mënyrë mbresëlënëse gjatë natës së Krishtlindjeve. Ai i ka dhuruar një bakshish prej 19 mijë eurosh një nëne të vetme, Renee Brown, e cila punonte si kamarierë në barin The Railyard në Houston.

Pas një mbrëmjeje të kaluar me mikun e tij Shaboozey, Malone bëri këtë gjest fisnik në mënyrë diskrete, duke u kujdesur që pagesa të bëhej në emrin e tij. Renee, e emocionuar, e përshkroi këtë moment si një “mrekulli për Krishtlindje”, duke treguar se do ta përdorë shumën për të paguar qiranë dhe për të investuar në një biznes të vogël që do t’i lejonte të kalonte më shumë kohë me vajzën e saj.

Në një intervistë për Music Mayhem, Renee rrëfeu se kishte shkuar në punë e trishtuar atë ditë, pasi duhej të linte vajzën e saj në shtëpi. Gjesti bujar i Malone jo vetëm që e ndihmoi financiarisht, por i dha edhe forcë dhe besim për të vazhduar përpara.

Është bukur të shohësh dikë që përdor suksesin e tij për të ndihmuar të tjerët”, “Ne kemi nevojë për më shumë njerëz si ai.”