Një lokal është përfshirë nga flakët në rrugën “Faik Konica”, pranë Stadiumit “Air Albania” në Tiranë. Banorët raportuan se zjarri ka marrë përmasa të mëdha dhe ka shkaktuar shqetësim të madh në zonë, duke i detyruar disa prej tyre të dalin nga banesat për siguri.

Megjithatë, ndërhyrja e shërbimeve të zjarrfikësve dhe policisë ka ardhur me një vonesë prej të paktën 40 minutash, duke i dhënë mundësinë flakëve të shkrumbojnë thuajse tërësisht lokalin. Sipas dëshmive të banorëve, kjo ka shtuar pasigurinë dhe frikën për sigurinë e zonës. Hetimet për shkakun e zjarrit janë ende në vazhdim.