Derisa afati i regjistrimit për emigrantët për zgjedhjet e 11 Majit vazhdon, deri më tani janë regjistruar gjithsej 12,536 kërkesa, sipas të dhënave të Komisionit Qendror të Zgjedhjeve (KQZ). Nga këto kërkesa, janë miratuar 1,859.

Ndër kërkesat, 69.9% janë bërë nga meshkuj, ndërsa 30.1% nga femra. Sa i përket grupmoshave, kërkesat më të shumta vijnë nga individë të moshës 26-35 vjeçare, me 3,905 kërkesa (31.2%), pasuar nga ata të moshës 36-45 vjeç me 3,438 kërkesa (27.4%).

Në lidhje me shtetet, dominon Italia me 3,745 kërkesa (29.9%), pasuar nga Greqia me 2,494 (19.9%), dhe Gjermania me 2,099 kërkesa (16.7%). Po ashtu, janë regjistruar 1,261 kërkesa nga SHBA, 1,038 nga Britania dhe 325 nga Franca.

Sa i përket kërkesave sipas bashkive, Tirana kryeson me 19.6% të kërkesave, ndjekur nga Fieri, Durrësi, Shkodra, Lushnja dhe Berati.