Shumë njerëz, edhe pse shkojnë në shtrat në kohë, nuk mund të flenë për shkak të mendimeve të shqetësuara. Stresi dhe ankthi janë ndër shkaqet kryesore të këtij problemi, sipas Dr. Ramaswamy Viswanathan, President i Shoqatës Amerikane të Psikiatrisë.

Mendimet e shqetësuara rrisin vigjilencën, duke e bërë të vështirë relaksimin dhe gjumin cilësor. Madje, edhe nëse arrini të bini në gjumë, mund të zgjoheni gjatë natës, duke ndikuar negativisht në funksionimin e trurit, rregullimin e emocioneve dhe shëndetin e përgjithshëm.

Si të kontrolloni mendimet e shqetësuara para gjumit?

Vendosni një rutinë gjumi – Ndiqni një orar të rregullt të gjumit dhe zgjimit.
Shmangni kafeinën dhe ushqimin e rëndë – Pijet me kafeinë dhe darkat e vona mund të përkeqësojnë ankthin dhe të pengojnë gjumin.
Krijoni një ambient të rehatshëm – Mbajeni dhomën të freskët (rreth 20°C), të errët dhe të qetë.
Ndaloni pajisjet elektronike para gjumit – Drita blu nga telefonat dhe televizorët prish ritmin cirkadian dhe vështirëson gjumin.
Provoni një banjë të ngrohtë – Një dush i ngrohtë disa orë para gjumit ndihmon në qetësimin e mendjes.

A po përballeni edhe ju me këtë problem? Ndiqni këto hapa për një gjumë më të mirë!